Hlaupagreining hjá RunFit skiptist í fjóra hluta: hreyfiskimun, mat á álagsþoli, 3D hlaupagreiningu á hlaupabretti og einstaklingsmiðaðar æfingar út frá niðurstöðum. Þannig fáum við betri mynd af því hvernig líkaminn hreyfir sig, hvernig hann tekur við álagi og hvaða atriði geta hjálpað þér að hlaupa betur.
1. Mat á hreyfigetu og stöðugleika
Við byrjum á því að skoða liðleika, hreyfanleika og stjórn líkamans.
Fyrst förum við í gegnum 5 grunnhreyfiferla þar sem við metum hreyfigetu og líkamsbeitingu. Því næst skoðum við stöðugleika og hreyfistjórn, þar sem við metum hæfni líkamans til að stjórna hreyfingum, halda góðri stöðu og vinna rétt í gegnum helstu hreyfimynstur.
Að lokum skoðum við sérstaklega fætur og ökkla, þar sem hreyfanleiki, stöðugleiki og stjórn á fæti skiptir miklu máli fyrir hlaupastíl, lendingu og kraftmyndun.
Þetta kallast Runner Readiness Assessment eða mat á því hversu vel líkaminn er undirbúinn fyrir hlaupaálag.
2. Mat á álagsþoli og kraftmyndun
Næst skoðum við hæfni líkamans til að taka við og vinna með álag, kraft og höggkrafta sem myndast í hlaupum.
Í hlaupum þarf líkaminn sífellt að taka við álagi, geyma orku og skila henni áfram í næsta skref. Með Loading Levels Assessment metum við hvaða æfingar henta hverjum og einum miðað við styrk, stöðugleika og stjórn.
Þannig getum við tryggt að þú fáir æfingar sem eru hvorki of léttar né of krefjandi, heldur rétt skref fyrir þinn líkama og þína hlaupagetu.
3. 3D hlaupagreining á hlaupabretti
Að lokum fer fram 3D hlaupagreining á hlaupabretti. Þar greinum við hlaupastíl, hreyfingar, líkamsbeitingu og tækni með nákvæmum hætti.
Við skoðum meðal annars hvort aukahreyfingar komi fram, til dæmis hvort mjaðmir eða hné falli inn, hvort lending sé óhagkvæm eða hvort líkaminn sé að bæta upp fyrir veikleika annars staðar í hreyfikeðjunni.
Þessi gögn hjálpa okkur að sjá betur hvað er raunverulega að gerast þegar þú hleypur, ekki bara það sem sést með berum augum.
4. Einstaklingsmiðaðar æfingar og næstu skref
Út frá niðurstöðunum fær hver og einn skýr ráð og æfingar sem miða að því að bæta þau atriði sem komu fram í greiningunni.
Æfingarnar geta meðal annars snúið að:
- stöðugleika og hreyfistjórn
- styrk í fótum, mjöðmum og kjarna
- hæfni líkamans til að taka við og skila afli
- hlaupatækni og hlaupaæfingum
- liðleika og hreyfanleika
Markmiðið er að þú farir ekki bara heim með niðurstöður, heldur líka skýra leið til að vinna með þær. Þannig verður hlaupagreiningin að praktísku verkfæri sem hjálpar þér að hlaupa betur, skilvirkar og með meiri stjórn.